--Ads--
BAGUIO CITY- Nauram ti maysa a balay sadiay Belis, Kapangan, Benguet idi kanikadua.
Maibasar iti report, ti nasao a balay ket tagikua ti pamilya ni Jimy Metua Tula, 32-anyos, naasawaan, barangay secretary ti Pudong, Kapangan, Benguet.
Iti imbestigasyon ti pulisya ken ti Kapangan Fire Station, pinanawan ti agtagikua iti balay ti pagtaenganda tapnu apan iti simbaan.
Nupay kasta, tinawagan daytoy ti kaarubada seknan iti panakauram ti bungalow house dagitoy a naaramid iti kongkreto, kayo ken sim.
Awan met ti nadangran iti napasamak nga uram a nangibati iti danyos nga agarup nasurok P650,000.
