BAGUIO CITY – Inwaragawag ti ama ti siudad a saan pay a kasapulan ti panakaipatunpal ti random drug test kadagiti empleyado ken opisyales iti Baguio City Hall.
Sigun kenni Mayor Mauricio Domogan, saan pay a panawen tapnu maipasidong manen iti random drug test dagiti empletado ken opisyales iti City Hall nangruna ta naipasidong metten dagitoy iti mandatory drug test idi napalabas a tawen.
Impalagipna nga iti nasao a mandatory drug test ket uppat nga empleyado ti nagpositibo ken na-account metten dagitoy.
Dinakamatna a pimmusayen ti maysa kadagiti uppat gapu iti sagsagabaen daytoy a nakaro a kanser a rason tapnu nagaramat iti marijuana.
Innayon ni Mayor Domogan a ti tallo ket nalpasen iti community-based self-help rehabilitation program ken tallo a daras dagitoy a nagpadrug test ken amin ket nagnegatibo.
Impannakkelna pay a dagiti tallo ket agserserbi ita kas resource speakers kadagiti seminar dagiti drug surrenderers ti siudad.
