“Pass the culture to younger ones”
Dayta ti inyunay-unay ni Nestor Martillano Jr., Barangay Chairman ti Virac, Itogon, Benguet iti panakaselebrar iti Indigenous Peoples Month sadiay Barrio Hall Covered Court, Jahpa, Virac, Itogon, Benguet idi kalman, October 10.
Innayun pay ti opisyal a babaen ti panakaselebrar ti IP month ket maipalagip dagiti kultura, customary laws ken mapabileg metlaeng ti relasyon, koordinasyon ken kooperasyon iti komunidad.
Kabayatanna, impeksa ni Joeden Acay, Indigenous Peoples Mandatory Representative (IPMR) a sapayla kuma ta saan a lipatan ti komunidad dagiti kultura ken napintas a kaugalian nga isu metlaeng ti ipatawid kadagiti ubbing ken sumaruno pay nga henerasyon.
Innayun met ti nangirepresentar kenni Mayor Bernard Waclin manipud iti munisipyo ti Itogon, Benguet a mintinaren met kuma ti binnadang, no sadinno maiyunay-unay ti panagtitinulong nangruna nu agkasapulan ti maysa a tao iti tulong.
Agyamyaman met ti nasao a barangay kadagiti amin a timmulong ken partnersda iti balligi a pannakaipatungpal ti nasao nga aktibidad.
Nagserbi kas tema iti 29th Indigenous Peoples Month and IPRA Commemoration ti “Empowering Indigenous Peoples: Strengthening Rights, Culture and Ancestral Domains.” | via Bombo Vy Organo
