BAGUIO CITY – Sumangsango iti kaso a panaglabsing iti RA 9165 wenno iti Comprehensive Dangerous Drugs Act of 2002 ti maysa a lalaki kalpasan a nagpositibo ti search warrant a naiserbi iti pagtaenganna sadiay Abra.
Nabigbig daytoy a ni Edward Osorio aka Balud ken Asiong a residente ti Mundok, Cabaroan, Tayum, Abra.
Sigun iti PDEA – Cordillera, nakumpiskarda iti pagtaengan ti nasao nga indibidual ti maysa a paso a nakaimulaan ti walo a marijuana seedlings.
Nakakumpiskarda met iti tallo a mapapati a marijuana seedlings manipud iti pagtaengan ti nasao nga indibidual.
Malaksid kadagitoy, nakakumpiskarda iti maysa a sachet ti mapapati a shabu a naikabil iti sachet ti maysa a seasoning.
Nakaalada pay iti sumagmamano a napagango a marijuana leaves manipud iti maysa a cellophane ken maysa a paper foil malaksid met iti innem nga improvised marijuana tooter ken dadduma a drug paraphernalia nga addaan amin iti traces ti mapapati a dangerous drugs residue manipud iti nagduduma banag.
