--Ads--
BAGUIO CITY – Naka-akop dagiti personnel ti Upper Agno River Basin Resource Reserve iti agarup innem a sako ti basura manipud iti masakupan ti reserve ken iti kalsada a paturong iti Ambuclao.
Sigun kenni Emerita Albas, public information ti Upper Agno River Basin Resource Reserve, resulta daytoy ti insayangkatda a clean-up drive a paset ti 5th National Clean-Up Drive iti paset ti Upper Agno.
Kinunana a nagdalusda iti national highway, Kawal Road ken iti Protected Area Management.
Dinakamatna a nakipaset metlaeng iti aktibidad dagiti trekkers.
Kagiddan iti daytoy, iyap-apela ni Albas ti saan a panangibelleng ti publiko iti basurada iti igid ti kalsada nangruna dagiti nakakabil iti plastic bottles a moma.
