--Ads--
BAGUIO CITY – Addan iti natalged a kasasaad ti gangannaet nga aksidente a natnag iti uneg ti Sumaguing Cave sadiay Sagada, Mt Province idi kanikadua.
Nabigbig daytoy a ni Robert Van Putten, 68-anyos, retirado a factory worker ken tubo ti Amsterdam.
Maibasar iti report ti pulisya, bayat nga adda ti biktima iti uneg ti gukayab ket aksidente a naikadlis daytoy agingga iti pool.
Gapu iti napasamak, nagsagrap ti biktima iti gasgas iti kanawan nga abaga, kanigid a saka ken kanawan a kikit iti ima.
Naiturong met daytoy iti St. Theodore’s Hospital para iti panagtaming babaen kadagiti nagresponde a kameng ti Sagada PNP ken dagiti tour guides sadiay.
