--Ads--
BAGUIO CITY – Nainget a mabambantayan ti kasasaad ti maysa a barito kalpasan a nalmes iti Chico River, partikular sadiay Kadchog, Bontoc Ili, Bontoc, Mt. Province idi malem kanikadua.
Nabigbig daytoy a ni Jasper Lawilao Boy-o, 14-anyos ken residente ti Capinitan, Sabangan, Mt. Province.
Maibasar iti imbestigasyon, nagturong ti biktima ken ti kaanakanna sadiay Chico River tapnu agdigus ngem nalmes daytoy gaputa saanna nga ammo ti aglangoy.
Dagus met a naipatungpal ti search and rescue operation ken apaman a nasarakan ti biktima ket dagus a naipatungpal ti Cardiopulmonary Resuscitation.
Naitaray daytoy iti pagagasan ken ita ket maob-obserbaran kalpasan a na-diagnose nga addaan ti respiratory failure gapu iti panakalmes daytoy.
