--Ads--
BAGUIO CITY – Indeklara ti Malacañang nga special non-working day ti June 18, aldaw ti Lunes para iti probinsia ti Ifugao.
Nailanad iti Proclamation No. 504 a daytoy ket tapnu maipaayan dagiti amin nga umili ken dagiti ahensia ti gobyerno sadiay Ifugao a makipaset iti panakarambak ti founding anniversary ken festibidad ti probinsia a naawagan ti “Gotad ad Ifugao”.
Markaan ti probinsia ti selebrasyon ti maika-52 a founding anniversary daytoy inton June 18 kas maysa nga independent province kalpasan a naisina daytoy manipud iti daan a Montañosa.
Marambakan ti 2018 Gotad ad Ifugao inton June 15 agingga June 22 nga addaan tema a “Shaping the Ifugao Heritage in a Global Environment.”
