--Ads--
BAGUIO CITY – Maob-obserbaran pay laeng iti pagagasan ti maysa a mannalon kalpasan a pinalpaltugan ti mismo a kaanakanna sadiay Brgy. Santa Rosa, Bangued, Abra idi kanikadua.
Nabigbig ti biktima ni Emilio Rafal, 54 anyos, nasawaan bayat a ti suspect ket ti kaanakanna a ni Marlon Castillo Rafal, 41-anyos, nasawaan ken agpada dagitoy a residente iti nasao a lugar.
Maibasar iti report, matmaturog ti biktima iti ruar ti balayda idi dinumteng ti suspek a nakaimet iti paltog ken pinalpaltuganna ti biktima.
Nagsagrap ti biktima iti dua a tama ti bala ti paltog ken agtaltalinaed pay laeng iti pagagasan.
Manarimaan met a maan-anop ita ti suspek a naamuan nga addaan iti nabara a susik seknan iti daga iti ulitegna.
