--Ads--
BAGUIO CITY – Dinadael dagiti otoridad ti dumanon iti nasurok P8.7-M a gatad dagiti marijuana a nasarakan iti 18 a plantation sites sadiay Tinglayan, Kalinga idi kanikadua.
Resulta daytoy iti joint operations dagiti otoridad para iti marijuana eradication kadagiti identified target areas iti tulong dagiti residente ti probinsia.
Pinarut ken inuram dagiti otoridad dagiti marijuana a naimula iti maysa a marijuana plantation site sadiay Loccong, Tinglayan ken iti 17 a plantation sites sadiay Buscalan, Tinglayan.
Mapattapatta nga aglawa iti 7,300 square meters dagiti nasao a nakaimulaan dagiti maparit a mula.
Nadadael met ti 37,650 a fully grown marijuana plants ken nakumpiskar ti 10 kilos a napagango a marijuana stalks.
