BAGUIO CITY–nabigbigen dagiti contact tracers ti Baguio ti dumanon 12 nga indibidual a maatap a nangiwaras iti detalye dagiti pasyente a nakaptan ti COVID-19 ditoy siudad.
Kinunana a babaen daytoy iti panakibinnadang ti Criminal Investigation and Detection Group.
Innayonna a maipilaan iti kaskenan a kaso dagiti nasao nga indibidual ken manamnama a manayonan ti nasao a bilang.
Immunan nga inallukoy ti mayor ti publiko iti panangipatulodda kenkuana iti screen shots dagiti nagiwaras iti detalye dagiti pasyente para iti umno nga aksion.
Kabayatanna, dinakamat ni Mayor Magalong a nasken a mapapigsa pay ti contact tracing dagiti nagduduma a lokal a gobyerno tapno naan-anayen a maparmek ti COVID-19 ken malapdan ti panagwaras ti sakit.
Sigun kenkuana, ditoy siudad ti Baguio ket dumanon iti 60-150 ti maipaspasidong iti contact tracing a nakapulapol ti tunggal pasyente ti COVID-19, no sadino, dumanonen iti 37 ti mabigbigbigda a close contact dagiti pasyente ditoy siudad.
Iti agdama, dumanonen iti 13 a barangay ti naipasidong iti lockdown ditoy Baguio City para iti epektibo a contact tracing ken disinfection.
Maibasar iti kaudian a datus, pakabuklan a 98 ti kaso ti COVID-19 iti siudad a bukbuklen ti 48 nga aktibo a kaso, dua nga ipupusay ken 48 a panagimbag.
