BAGUIO CITY – Naiyuswat iti Kordilyera Media Citizen Council ditoy Baguio City.
Sigun kenni Media Citizen Engagement Adviser Red Batario, ngumato ti standard ti journalism ditoy rehiyon babaen iti nasao a Media Citizen Council.
Inlawlawagna a mamintinir ti pudno ken umno a panangiwaragawag kadagiti damdamag iti publiko gaputa daytoy ti madutukan a mangwanawan iti performance ti maysa a media outfit a miembro dagitoy, nangruna iti coverage dagiti damag.
Mangipaayda metlaeng iti assistance kadagiti media outfit a makaawat ti reklamo seknan kadagiti maatap a saan nga umno a panangipadamag dagitoy.
Innayonna nga agserbida a rangtay iti nagbaetan ti maseknan a media outfit ken dagiti agreklamo.
Mangipaayda pay ti panagsanay no kasano a maliklikan ti misinformation wenno mapapati a panangiwaras ti peke a damag.
