BAGUIO CITY – Kinumpirmar ti Itogon Municipal Police Station (MPS) a narames ti 10-anyos a balasitang a nasarakan a bangkay iti rangkis sadiay Ampucao, Itogon, Benguet idi Sabado, Pebrero 5.
Maibasar iti resulta ti otopsiya, narames ti balasitang.
Nailanad pay iti resulta a pimmusay daytoy gapu iti asphyxia by strangulation wenno panakabekkel.
Agtaltalinaed met iti lock-up cell ti Itogon MPS ti suspek a ni Gilbert Sarabia Salinas, 40-anyos a tubo ti Pozzurubio, Pangasinan bayat a maur-uray ti resulta ti RT-PCR test daytoy sakbay a maiturong iti Benguet Provincial Jail.
Sigun kenni PMaj. Matthew Burgos, dadaulo ti Itogon MPS, adda dagiti manamnama nga agtestigo iti napasamak a krimen.
Immuna metten a kinunana a ti laeng inaklon ti suspek ket ti panangbekkel iti biktima.
Bangkay ti 10-anyos a balasitang, nasarakan iti rangkis sadiay Itogon, Benguet (bomboradyo.com)
