--Ads--
Makanselar paylaeng ti market showcase sadiay session road inton bigat gapu paylaeng iti bagyo a Paeng.
Iti interview ti Bombo Radyo kenni Mayor Benjamin Magalong, nakasagana ti City Development Council ken dagiti Barangay Officials nga agresponde iti posible a panaglayos iti session road.
Nakasagana metlaeng dagiti response team ken personnels pakairamanan ti CDRRM, City Engineering Office ken PNP iti panagbantay iti City Camp Tunnel.
Mainaig iti daytoy, nangiyuswat ti siyudad ti Clean and Orderly Program kas panang-aksiyonda iti reklamo dagiti umili seknan iti basura.
Impetteng ni Mayor Magalong a nakasagana dagiti opisyales a mangipaay ti tulong ken suporta iti posible nga epekto ti bagyo a Paeng.
