--Ads--
Nagpakdaar ti Energy Regulatory Commission kadagiti “consumers” iti nangatngato a bayad ti koriente kagiddan ti panagngato ti temperatura iti napalabas a sumagmamano nga aldaw.
Kalpasan a bimmaba ti presio iti spot market iti kababaan idi Pebrero iti P2.71/kwh, kellaat a ngimmato ti spot prices kagiddan ti panangngato ti heat index kadagiti napalabas nga aldaw.
Idi Marso 2, dimmanon iti P6.64/kwh ti average price iti spot market, a dandani nagdoble iti simmaruno nga aldaw Marso 3 iti P12.15/kwh.
Kinuna ni Energy Regulatory Commission Chairperson Monalisa Dimalanta a masapul a saan a namnamaen dagiti consumers ti pannakakessay ti panagsingir iti bulan ti Abril gapu iti nangatngato a presio ti koriente iti spot market ita a bulan.
