Manarimaan nga ipatpatungpal ti Abra Police Provincial Office ti manhunt operation para kadagiti saan pay a nabigbig a suspek a nangpatog iti maysa a kandidato iti kinakonsehal idiay Dintan, Pilar, Abra idi kalman.
Immunan a nabigbig ti biktima a ni Melchor Gamaten, residente iti Pang-ot, Pilar.
Maibasar iti imbistigasion ti polisia, nakadasay ti suspek iti kalsada nga addaan iti tama ti paltog iti barukongna a nangitunda iti ipupusay daytoy.
Napasamak ti insidente kabayatan ti panagawid ti biktima ket maysa a kadwa daytoy.
Sigun pay kadagiti otoridad, inasitgan dagiti suspek a nakalugan iti motorsiklo ti suspek sakbayda a pinalpaltogan.
Iti sabali a bangir, manarimaan metlaeng ti imbistigasion dagiti otoridad iti pammaltog a nasapasamak idiay Barangay Agtangao, Bangued, Abra.
Nabigbig ti biktima a ni Ruben Balubar, sigud a kapitan ti Barangay Lubong.
Iti agdama, manarimaan nga agpatpataming iti ospital ni Balur kalpasan a nataan ti saka daytoy.
Narecover iti napasamakan ti insidente ti sumagmamano a basyo ti bala manipod iti caliber 45.
