Impeksa ni Palace Press Officer Undersecretary Atty. Claire Castro a kayat ti gobyerno ti Pilipinas nga ipasigurado ti patas a panang-imbestigar ti International Criminal Court iti kaso ni sigud a President Rodrigo Duterte a crimes against humanity.
Naituding a sumango iti korte inton biyarnes ti sigud a presidente para iti hearing nu sadino ditoy a matalantan dagiti maatap a krimen a napasamak bayat ti administrasyonna.
Naakusaran ni Duterte iti crime against humanity of murder gapu iti mapapati a panagabuso bayat ti kampanyana kontra iligal a droga nu sadino ipetpetteng dagiti international ken local rights group a rinibribu ti napapatay nga indibidual.
Immuna metten a kinomendaran ni International Criminal Court Chief Prosecutor Karim Khan ti pagilian a Pilipinas gapu iti panangipalubosda a matiliw ti sigud a Presidente.
