Maal-allukoy ti publiko a makipaset iti maipatungpal a medical, dental, optical mission kasta met ti panakaipaay ti mobility aide sadiay Athletic Bowl, Baguio City inton bigat nga agrugi iti oras ti alas nuebe ti agsapa.
Iti nasao nga aktibidad, maipaay ti libre a wheelchair, sarukod, nebulizer ken daduma pay.
Malaksid iti dayta ket maidiaya met laeng dagiti libre a grocery items ken dagiti nagduduma a taraon kas iti lechon ken delicacies.
Iti nasao nga aktibidad, mapatta-patta a dumanon iti agarup 3-K nga indibidual ti makipaset iti daytoy nu sadino agarup tallo gasut a Persons with disabilities ket manipud iti siudad ti Baguio ken Benguet.
Naituding nga agleppas daytoy a medical, dental, optical mission iti oras ti ala-una ti malem inton bigat.//Bombo Noveh Organo
