Opisyalen a nagleppas ti Strawberry Festival 2025 sadiay La Trinidad, Benguet ita nga aldaw babaen iti panakaangay ti closing program.
Kagiddan ti closing program ket ti panakaipaay ti award dagiti municipal offices kasta metten dagiti nagduduma a barangay gapu iti panagregget ken kontribusyonda bayat ti panakaisayangkat dagiti nagduduma nga aktibidad iti Strawberry Festival.
Nakomendaran met ti ahensiya ti La Trinidad Municipal Police Station, La Trinidad Fire Station, Philippine Red Cross- Benguet, Benguet Disaster Risk Reduction Management ken nagdumaduma pay a private companies iti munisipyo ti La Trinidad gapu iti panangpasiguradoda iti linak ken kappia kasta metten ti seguridad ti publiko kabayatan ti piyesta.
Maipalagip a nangrugi ti Strawberry Festival idi Marso a tres iti agdama a tawen ken daytoy ket nakaiparangan dagiti nagduduma nga aktibidad a nangipakita iti nabaknang a kultura iti probinsya iti Benguet, ti panakaital-o ti produkto nga strawberry kasta met ti panakaiparang dagiti namaris ken nagduduma a kita ti sabong.//Bombo Noveh Organo
