Sadanga, Mountain Province – Lima ang nasawi habang siyam naman ang sugatan sa isang trahedyang naganap dakong alas-10 ng gabi noong Abril 4, 2025, sa Sitio Ampawilen, Barangay Poblacion, Sadanga.
Ayon sa ulat ng Sadanga Municipal Police Station (MPS), Bureau of Fire Protection (BFP), at ng lokal na pamahalaan ng Sadanga, agad silang rumesponde sa insidente matapos mawalan ng kontrol ang isang puting Nissan van na may plakang NDA 9883. Ayon sa imbestigasyon, nahulog ang nasabing sasakyan sa bangin na may tinatayang 50 metrong lalim at tuluyang bumulusok sa ilog.
Idineklara ni Dr. Irene Limmayog na dead on the spot ang apat na sakay ng van:
Vance Quinto Hernandez Jr., 45 anyos, drayber, taga-Bulacan
Gerardo Navarro, 36 anyos, taga-Zamboanga
Veronica Hipolito, 36 anyos, taga-South Cotabato
Isang hindi pa nakikilalang babae na nakasuot ng gray na t-shirt at itim na leggings
Habang si Jay Niño Belando ay idineklara namang dead on arrival sa ospital.
Samantala, ang mga sumusunod na biktima ay agad isinugod sa Bontoc General Hospital:
Mary Joy Reyes, 45 anyos, taga-Manila
Archie Reyes, 25 anyos, taga-Manila
Cherish Quimpan, 20 anyos, taga-Cavite
Manuel Lap, 26 anyos, taga-Malvar, Batangas
Elvis Acupan, 25 anyos, taga-Ilocos Norte
Ham Sua, 23 anyos, taga-Tagaytay
Arlette Sarmiento, 23 anyos, taga-Ilocos Norte
Christine Cuidamat, 20 anyos, taga-Tagaytay
Dan Dacoycoy, 24 anyos, taga-Bacarra, Ilocos Norte
Patuloy ang imbestigasyon ng mga otoridad hinggil sa insidente, habang hinihimok naman ng lokal na pamahalaan ang lahat ng motorista at biyahero na sundin ang mga alituntunin sa ligtas na paglalakbay upang maiwasan ang ganitong klaseng trahedya.
Paalala: Mag-ingat sa matatarik at madidilim na kalsada, tiyaking maayos ang kondisyon ng sasakyan, at iwasan ang pagmamaneho ng pagod o antok. Ang buhay ay mahalaga—mag-ingat sa bawat byahe.//Via Cara Sacyaten
