Nakasaganan ti sibubukel a kameng ti Highway Patrol Group-Benguet para ita a summer vacation.
Iti panakiuman ti Bombo Radyo kenni Police Executive Master Sergeant Analita Perez, Public Information Officer ti High Patrol Group-Benguet, kinunana a 24/7 a nakabantay dagiti personnelda kadagiti nagduduma a kalsada iti probinsya ti Benguet babaen iti mobile patrolling dagitoy.
Malaksid iti dayta, impasiguradona met a saanda a liwayan ti makitinnulong kadagiti local police personnel tapno mapagtalinaed ti naannayas a gunay ti trapiko iti nasao a probinsya partikular iti munisipyo ti La Trinidad.
Kinunana metlaeng a maideploy dagiti personnelda kadagiti simbaan, bus ken van terminals, ken kadagiti tourist spots iti nasao a probinysa tapno maipasigurado ti seguridad dagiti umili kasta metlaeng dagiti turista.
