Mga KaBombo? Kabaelam kadi nga itarayan ti mismo a kasar mo?
Idiay pagilian nga India, ammoyo kadi a maysa a lalaki nga agtawen iti 20 ti saan a nagpakpakita iti siam nga aldaw sakbay ti kasarda?
Ni Rahul ken Shivani manipud sadiay Aligarh, India ket naituding nga agkasar intun April 16.
Amin dagiti imbitasyon ket naipatuluden kadagiti kabagyanda ken dadduma pay a manamnama a bisita.
Nupay kasta, siam laeng nga aldaw sakbay ti kasarda ket saan a mabirukan ti 20-anyos a groom.
Naamuan laeng dagiti pamilia daytoy a timmaray kadwana ti 40-anyos a ni Anita nga ina ti babae nga asawaenna.
Malaksid iti dayta, intarayda pay ti family savings ti pamilia ni Anita.
Sigun iti pamilia ti Groom a ni Rahul, nagpakada daytoy nga aggatang iti bado a mausar iti kasarda, kamaudiananna timmawag daytoy iti amana tapno ibagana a saandan a sapulen daytoy.
Kabayatanna, naduktalan met ti pamilia ti bride a ni Shivani a mapukpukaw dagiti sanikuada kasta met a saanda a macontact ti ina na.
Gapu iti dayta, pagarupenda a nagkaduada Rahul ken Anita gaputa masansan nga agtinnawag dagitoy iti cellphone kasta met a kanayon a dakdakamaten ni Rahul ni Anita.
Malaksid iti dayta, kanayonda pay a maobserbaran ti naidumduma a relasion dagitoy ngem saanda nga inkankano gapu iti panagraemda iti umadani a kasarda Rahul ken Shivani.
Kabayatanna, kinuna met ti asawa ni Anita a ni Kumar a tinawaganna iti namin anu a daras ti asawana ngem nagsukat iti cellphone bayat a kanayon met nga ilibak ni Rahul nga agkadwa dagitoy.
Nupay kasta, inaklon ni Kumar a rumbeng a lipatannan ti asawana.
Kinuna met ni Shivani a mabalin nga aramiden amin ti inana ti kayatna nga aramiden la kitdi isublina ti family savings dagitoy.
