Nakipagladingit dagiti dadaulo dagiti nagduduma a pagilian ti lider ti simbaan a Catholic a ni Pope Francis ita nga aldaw, Abril 21 iti tawenna a 88.
Daytoy ket kalpasan a kumpirmaren ita nga aldaw ni His Eminence Cardinal Kevin Farrell, Camerlengo of the Apostolic Chamber ti ipupusay ti Santo Papa iti residence daytoy iti Casa Santa Marta idiay Vatican.
Karaman kadagiti nangipaay ti tribute iti Santo Papa ti sumagmamano a world leaders a kas ni French President Emmanuel Macron nga inawaganna ti Santo Papa kas maysa a “man of humility” bayat nga inladawan met ni Dutch Prime Minister Dick Schoof ti Santo Papa kas maysa a role model para kadagiti namati a Katoliko kasta met kadagiti saan a Katoliko.
Inladawan met ni European Parliament President Roberta Metsola ni Pope Francis ti naidumduma nga isemna a nang-capture ti minilmilion a puso dagiti tattao iti sangalubungan.
Pinadawayan met ni Israeli President Isaac Herzog ti awan patinggana a pannakipagrikna ti Santo Papa.
Inladawan met ni Swiss President Karin Keller-Sutter ti Pope Francis kas maysa a “great spiritual leader” ken maysa kadagiti mangitantandudo iti kinatalna.
Ti ipupusay ni Pope Francis ket maysa nga aldaw kalpasan a nagparang iti publiko iti St. Peter’s Square bayat ti Easter Sunday.
Ni Pope Francis ti kaunaan a Santo Papa a maitabon iti ruar ti Vatican, kalpasan ti maysa a siglo.
Maitabon ti bangkay ni Pope Francis iti Basilica of St. Mary Major, maysa kadagiti uppat a kangrunaan a basilica ti santo papa idiay Rome.
