--Ads--
Naitabonen ita nga aldaw iti Libingan ng mga Bayani ni National Artist For Film Nora Aunor.
Immuna a naangay ti necrological service sadiay Metropolitan Theater, Manila babaen iti National Commission for Culture and the Arts (NCCA) ken iti Cultural Center of the Philippines (CCP).
Ti nasao a seremonya a nangrugi alas otso a trenta itay agsapa ket sinaruno ti tribute program a nangrugi pasado alas nueve itay metlaeng agsapa.
Maipalagip a pimmusay ti naawagan a superstar idi April 16 nu sadino, sigun iti anak daytoy a ni Ian de Leon, rimwar iti medical procedure iti The Medical City idiay Pasig nga acute respiratory infection ti rason iti ipupusay ti nasao nga aktres.
Pimmusay daytoy iti edadna a pitopulo ket maysa.
