--Ads--
Dumanonen iti mapattapatta a 150 ti impaulog ti Commission on Election a show-cause order manipud iti nangrugi ti panagkampanysa iti pagilian ita a tawen.
Kinuna ni Commission on Election Chairman George Garcia ti show-cause order ke gundaway dagiti akusado a mangilawlawag kadagii reklamo kontra kadakuada.
Maipalagip nga immunan a nagballaag ti Comelec nga adda ti bilegna a mangsuspende iti pannakaiproklama dagiti nangabak a kandidato iti midterm elections no adda ti pending disqualification cases dagitoy.
Kinuna ni Garcia a saklawen daytoy dagiti isyu iti campaign rallies ti kandidato ken dadduma pay nga election offenses.
