Naituding a rugian dagiti Roman Catholic cardinals ti nalimed a “conclave” dagitoy a mangbutos iti baro a lider ti Catholic inton Mayo 7, sigun iti Vatican.
Naikeddeng ti petsa bayat ti closed-door meeting dagiti kardinal idiay Vatican, ti kaunaan a panagtaripnong sipud idi naitabon ni Pope Francis idi Sabado.
Agarup 135 a kardinal, a saan pay nga agtawen ti 80 ken naggapu iti amin a suli ti lubong, ti maikari a makipaset iti panagbutos.
Maipalagip a ti dua a “conclave” ket naangay idi 2005 ken 2013 a nagbayag iti dua nga aldaw, ngem sigun kenni Swedish cardinal Anders Arborelius itay nabiit, posible a nabayag ti panagumay dagiti balota.
Maibasar iti listaan ti Vatican, dumanon iti agarup a 190 a kardinal ti nakipaset iti panagtaripnong pakairamanan ti agarup 100 nga electors.
