--Ads--
Pimmusay ti 14 nga indibidual kalpasan a nauram ti Rituraj Hotel idiay Kolkata, Eastern India idi kalman ti rabii, April 29, 2025.
Sigun kenni Senior police officer Manoj Kumar Verma, nasebseban ti uram kalpasan ti panagregget dagiti otoridad babaen iti panagusarda iti innem a fire engines.
Kinumpirmar ti nasao nga opisial a maysa ti pimmusay kalpasan a limmagto iti terrace ti nasao a hotel.
Dadduma kadagiti indibidual ti nakalibas babaen kadagiti tawa.
Iti agdama, manarimaan paylaeng ti imbestigasion dagiti otoridad iti nagtaudan ti nasao nga uram.
