Manamnama a manayunan pay dagiti silaw sadiay Burnham Park tapno maliklikan dagiti anyaman a sexual nga aktibidad.
Iti panakiuman ti Bombo Radyo kenni Engr. Bonifacio Dela Peña, City Administrator iti siudad kinunana a dagiti paset ti Burnham Park a nasipnget tunggal rabii ket makargaan ti silaw.
Imbinglayna a no idilig idi napalpalabas ket in-inot a masilsilawan ti intero a paset ti nasao a parke.
Kiddaw met ti City Administrator iti publiko a saanda nga aramaten ti Burnham Park kas lugar para kadagiti sexual nga aktibidad ken rumbeng nga agtitinulong ti tunggal maysa nga agbalin a disiplinado.
Maipalagip nga itay napalabas ket naarestar ti dua a lalaki iti nasao a parke nga agar-aramid iti saan a maiparbeng nga aktibidad ngem dagitoy ket nakapiyansa.
