Nakemmeg ti 40-anyos a lalaki, naasawaan, mannalon, agdama a residente sadiay Baler, Aurora gapu iti kaso a robbery.
Maibasar iti report ti pulisya, naarestar daytoy gapu iti warrant of arrest a nai-issue idi paylaeng Abril 1, 2001 babaen kenni Hon. Benigno Galacgac, sigud a Presiding Judge iti Regional Trial Court, First Judicial Region, Branch 63 La Trinidad, Benguet.
Ti akusado ket naipaayan iti pyansa a P24-K.
Balligi a nakemmeg daytoy babaen iti tracker team ti La Trinidad Municipal Police Station (LTMPS) -lead unit, Criminal Investigation and Detection Group (CIDG -Benguet) Police Field Unit (PFU) manipud Benguet ken Precision Immobilization Technique ( PIT -Benguet).
Iti sabali a bangir, naibinsabinsa ti constitutional rights ti akusado babaen iti Iloco a lengguahe.
Kabayatanna, Bayat iti panakaproseso ti booking procedures ti LTMPS para iti panakaturnover iti Korte, nagpyansa ti akusado.
Gapu iti dayta, nawaya-wayaan daytoy.//Bombo Noveh Organo
