Diniskwalipikar ti Commission on Elections (COMELEC) Second Division ni Pasig congressional bet Christian Sia iti umadanin a 2025 National ken local elections.
Daytoy ket gapu iti saan a nasayaat a remarksna maipapan kadagiti single mothers kabayatan ti panagkampanya idi Abril iti agdama a tawen.
Iti desisyon a nairuar ita nga aldaw, pinaboran ti poll body division ti petition nga impila ti Commission on Elections Task Force kontra kenni Sia a panakadiskwalipikarna iti umadanin nga eleksyon.
Iti kanito a daytoy ti nakaala iti kaadoan a botos, ti panakaiproklamana ket masuspindir agingga a mairuar ti final resolution iti nasao a kaso.
Maipalagip a kinuna ni Sia a dagiti single mother nga addaan pay iti “period” ken dagiti “lonely” ket mabalin a makiturog kenkuana iti mamingsana gundaway makatawen.
Sigun kenni Sia ti kinunana maipapan kadagiti single mothers ket saan a nangdiscriminate kadagiti babbai kasta pay a ti kinunana ket paset ti “freddom of speech.”
