--Ads--
Nagballaag ni Senador Ronald “Bato” dela Rosa iti publiko a saanda nga ibotos dagiti politiko a mangipapaay ti pinansial a tulong a pabor wenno kasukat ti botosda, ken indagadagna kadagiti botante a panunotenda ti nabayag a pagimbagan ti pagilian.
Daytoy ket bayat ti maysa a programa ti partidoda idiay Liwasang Bonifacio idi kalman.
Kinuna pay ni Dela Rosa a rumbeng a nawaya ti Senado iti impluensia dagiti “powerful figures” ken institusion.
Inlawlawagna a rumbeng a saan nga iggem ti Malakanyang wenno aniaman a “branches” ti gobierno ti Senado.
Inleppas ni Dela Rosa ti panagbitlana babaen ti panangipatalgedna a saan a maipapan iti personal a pagimbagan ti imbagana.
