--Ads--
Nangipatungpal ti Bureau of Fire Protection-Baguio iti inspection kadagiti voting centers sakbay ti eleksyon inton Mayo a dose iti agdama a tawen.
Daytoy ket kas koordinasyonda iti Commission on Elections-Baguio.
Iti panakiuman ti Bombo Radyo kenni Senior Fire Officer 1 Lloyd Ashley Furigay, kinunana a kagiddan ti panakaipasidong dagitoy iti red alert ket nakasaganan ti deployment planda tapno masigurado a naannayas ti panakaipatungpal ti National ken local elections.
Sigun kenni Senior Fire Officer 1 Furigay, nakastandby met dagiti personnel para iti anyaman nga emerhensiya ken para iti medical assistance.
