Inaklon ni presumptive senator Vicente “Tito” Sotto III a 3 agingga iti 4 a senador ti immasideg kenkuana tapno agbalin daytoy a presidente ti Senado.
Daytoy ket kalpasan a nadamag no adda dagiti senador a nakisarita kenkuana maipapan iti Senate presidency.
Kinunana nga akseptarenna ti posision nu adu ti bilang dagiti senador a mangsuporta kenkuana.
Ti agdama a nakatugaw ket ni Senate President Francis “Chiz” Escudero ken immunana a kinunana nga agtalinaed latta daytoy a presidente ti Senado agingga iti sumaruno a kongreso malaksid nu isuna ket suktan ti kaaduan a senador.
Ti desision nga agtalinaed ni Escudero wenno sukatan isuna ni Sotto kas Senate president ket maisayangkat laeng iti maika-duapulo a Kongreso nga aglukat ti sesionda inton July.
