Agaw atensyon ita dagiti dua a graduate ti Philippine Military Academy “Siklab Laya” class of 2025 kalpasan a nagpropose ni 2nd lieutenant Ferdenan Rees Macalay iti gayyemna a ni 2nd lieutenant Lopez Remedios Racma Briones agpada a taga San Jose Del Monte Bulacan.
Iti interview ti Bombo Radyo kadakuada, nag-am-ammo dagiti dua iti uneg ti Philippine Military Academy (PMA) kabayatan ti training ken panag-skwela dagitoy.
Nagbalin kas nasinged a pagayam dagitoy iti un-una no sadino ket nu adda ti problema dagitoy ket nagserbi kas shoulder cry on wenno rant person wenno open personda iti tumunggal maysa, ngem idi bimmayag ket ditan a narikna ti tumunggal maysa ti ayat.
Sigun kadagiti dua, agarup dua a tawen dagitoy nga aginnayan-ayat.
Kinuna ni 2nd lieutenant Macalay a ti surprise proposalna iti ka-ayan-ayatna ket naplano ken naipakadana daytoy iti opisyales ti nasao nga akademya.
Impeksa ni 2nd lieutenant Macalay a plinano nga igiddan daytoy iti graduation gapu ta maysa daytoy kadagiti aldaw/ocukasyon a saan a malipatan ti kaayan-ayatna
Agyamyaman met daytoy iti pammalubus a naipaay kenkuana tapnu isayangkat ti proposal kagiddan iti graduation dagitoy.
Kabayatanna, makasangit met ni 2nd lieutenant Briones gapu iti agpalangit a ragsakna daytoy gapu ta malaksid a graduationda ket nagpropose kenkuana ti boyfriendna.
Kasta metlaeng kadagiti kapamilya dagitoy ket aglaplapusanan ti ragsak dagitoy.
Imbinglay ni Macalay a saan pay dagitoy a plano nga agkallaysa kalpasan ti graduation dagitoy no diket plano dagitoy nga agkasar kalpasan ti 3 agingga 5 a tawen .
Saan dagitoy nga agap-apura nga agkallaysa gapu ta adda metten iti napagnumuan dagitoy iti partnerna.
Malaksid iti dayta ket agserbi pay dagitoy iti Pilipinas ken iti kommunidad.
Agserbi iti Philippine air force ni 2nd lieutenant Lopez Remedios Racma Briones bayat a ni 2nd lieutenant Ferdenan Rees Macalay ket agserbi iti Philippine Army.
Awan met ti problema dagitoy uray agkaadayo wenno agduma dagitoy iti pagserbian gapu ta maawatanda ti akem ti tumunggal maysa.
Kas kunada nu pudno nga ayat, awan ti makapagsina uray aginnadayo dagitoy.
Iti impormasyon a naawat ti Bombo Radyo daytoy ti kaunaan a proposal a naisayangkat iti uneg ti Philippine military academy a naigiddan iti graduation kadagiti napalpalabas a tawen.//via Bombo Genzel Depayso and Bombo Noveh Organo
