--Ads--
Impakaammo ti Local Government Unit ti La Trinidad, Benguet a negatibo ti resulta ti mapapati a kaso ti mpox sadiay.
Opisyal a kinumpirmar daytoy ti RESU-DOH-CHD-CAR.
Inlawlawagda a ti mapapati a kaso ti nasao a sakit ket saan a nagapu sadiay La Trinidad.
Gapu iti dayta, inyunay-unayda manen nga awan ti kaso ti nasao a sakit manipud iti nasao a munisipyo.
Nupay kasta, agtultuloy latta nga ipagpaganetgetda iti publiko nga agtalinaedda a naridam ken kanayon nga ipractice dagiti amin a preventive measures para iti seguridad dagitoy.
Para iti kanayunan nga impormasyon mabalin yo laeng a bisataen dagiti kaasitgan a Barangay Health Station, Health Center, wenno hospital.
