--Ads--
Inaprobaran ti House of Representatives ti gakat a kanayunan a P200 a sweldo dagiti minimum wage workers kadagiti pribado a sector bayat ti maikatlo ken pinal a pannakaibasana.
Daytoy ket kalpasan a dumanon iti 171 a kongresista ti pabor ken maysa ti saan a pabor bayat ti plenary session dagitoy idi kalman.
Sigun kenni House Assistant Minority Leader Arlene Brosas ti kanayunan a sweldo ket daytoy ti kaunaan iti uneg ti 36 a tawen no sadino deserved daytoy dagiti mangmangged.
Nupay kasta,kinunana a kasapulan nga agtultuloy ti pannakaisumitir iti daytoy agingga a pirmaan ni President Ferdinand Marcos Jr., tapno agbalin a linteg.
