Naiyawiden iti Pilipinas dagiti siyam a Filipino Seafarers a na-stranded iti oil tanker iti Ras Isa Port sadiay Yemen.
Dagiti nasao a seafarers ket mangmanggedda iti MV Rival, ngem na-stuck dagitoy sadiay Yemen iti sumagmamano a bulan gapu iti napasamak a gulo iti asideg ti barko dagitoy.
Balligi met a nakadanun dagitoy sadiay Metro Manila.
Naipaawid dagitoy babaen iti koordinasyon ti gobierno iti Pilipinas kadagiti embassies sadiay Oman ken Saudi Arabia, kasta metten dagiti licensed recruitment agency a responsable iti pannakaideploy dagitoy.
Pinasangbay met daytoy ni Department of Migrant Workers Assistant Secretary Levinson Alcantara iti Ninoy Aquino International Airport kaduana dagiti dadduma pay nga opisyal.
Maipasidong met dagitoy iti evaluations sakbayda nga agawid kadagiti probinsya dagitoy.
