POBLACION, TADIAN, MOUNTAIN PROVINCE – Agsagsaganan ti barangay Poblacion, Tadian para iti umadanin a panagrugi ti klase dagiti estudyante inton Hunyo dise sais iti agdama a tawen.
Daytoy ket gapu iti posibilidad nga ado dagiti estudyante nga aglabsing iti curfew hours.
Gapu iti dayta, manarimaan ti panangiwarasda kadagiti Information, education, and communication (IEC) materials.
Sigun iti maysa a police officer, dagiti kadawyan a matiltiliw ket saan a dagiti residente ti Poblacion, Tadian.
Kinuna met ni Barangay Captain Jovita San Jose nga imbes nga aramaten dagiti estudyante ti allowance dagitoy kadagiti pagkasapulanda kas iti taraon ket saan gapu ta no mamingsan ket igatgatangda dagiti kwartada kadagiti arak.
Innayon ni San Jose a saan laeng a dagiti estudyante ti aglablabsing iti curfew hours no diket pakairamanan dagiti store owners nga agilaklako kadagiti arak no lagpas curfew hours.
Nagpalagip met ti nasao a kapitan a dagiti agilaklako kadagiti arak no curfew hours ket mabalin a maipaayan iti pannusa.//BLNC Gerald Lapic
