--Ads--
Nangipasa ti Senado ken Kamara iti resolusion a mangkidkiddaw kenni President Ferdinand “Bongbong” Marcos Jr. a mangbukel ti maysa a Cabinet Cluster for Education tapno marisut ti pakaseknan ti edukasion iti pagilian.
Daytoy ket sigun iti Congressional Commission on Education (EDCOM 2) idi kalman.
Dagiti isyu a kasapulan a marisut ket ti functional illiteracy, kinakurang ti pannakagun-od iti de kalidad nga edukasion nangruna dagiti ubbing, ken dadduma pay.
Iti agdama, awan pay ti komento ti Malakanyang seknan iti nasao a banag.
