Binabalaw ti Malakanyang ti pannakaiwaras ti video a naaramid babaen iti AI ken inawaganna a “fake news” kalpasan nga imbinglay da Senador Ronald dela Rosa ken Davao City Mayor Sebastian Duterte ti maysa video.
Maipakita iti AI-generated video ti panagbabalaw dagiti estudiante iti inladawanda a “politically motivated” ti impeachment ni Vice President Sara Duterte.
Sigun kenni Castro, ti disinformation ken fake news ket rumbeng a saan nga agtaud manipod kadagiti opisial ti gobierno.
Kinunana a posible gamin a mapataud ti panagduadua ken mapukaw ti panagtalek nu dagiti opisial ti gobierno ti pagtataudan ti disinformation ken palso a damag.
Kinuna ni Castro a mabalin a madusa dagiti opisial a mangibinglay iti palso nga impormasion wenno makaallilaw a linaon nga inaramid ti AI.
Kabayatanna, indagadag ni Castro kadagiti amin a sektor nga agtitinnulong tapno marisut ti disinformation.
