Nangdakamat ni Davao City Mayor Sebastian “Baste” Duterte ti rabak seknan iti sangsangwen ita ni Senator Bato Dela Rosa nga arrest warrant manipud International Criminal Court (ICC).
Iti bitla ti mayor iti “Rage Coalition” event idiay Mindanao itay kanikadua, dinakamatna a maladingitan daytoy iti posibilidad a maaresto ti senador ngem intuloyna a dinakamat nga iti sabali a bangir, maragsakan daytoy gapu ta maaddaanen ti kadua ni sigud a president Rodrigo Duterte nga ama na, a mannarimaan a nakaditene idiay ICC detention facility gapu iti sangsangwenna a crimes against humanity.
Dagus na met nga inawagan daytoy kas ‘bad joke’.
“Medyo nalungkot ako… pero sa totoo lang, medyo masaya rin kasi may kasama na ‘yung tatay ko doon kung sakali. Bad joke ‘yon,” sigun keni Mayor Duterte.
Amammo ni Senator Bato Dela Rosa kay maysa kadagiti kangrunaan a personalidad iti panangipatungpal iti kampanya kontra droga idi maudi nga administrasyon gapu ta daytoy ti nagserbi idi kas hepe ti Philippine National Police (PNP).
Kagiddan dayta, binabalaw ni Mayor Baste ti mannarimaan nga administrasyon ni President Ferdinand Marcos, Jr. no sadino dinakamatna a saan daytoy nga interesado a makittinnulong iti mannarimaan a gobyerno.
Sigun kenkuana, kumarkaro gaminen dagiti sitwasyon dagiti Pilipino ita ken kasla mapunpuntirya dagiti kritiko ti gobyerno. //bombokaren.c.sapirao
