Sumangsango ita iti kaso ti maysa a babae kalpasan nga innalana ti kwarta ken cellphone iti kinahang-outna a lalaki iti maysa nga inn iti Baguio City.
Maibasar iti imbestigasyon dagiti kameng iti pulisya, dua a babbae ti immasideg iti biktima ken iti gayyemna.
Kasaruno dayta, naghan-out dagitoy.
Rumrumwar a nagkedked dagiti dua a babbae nga aginom rason a nagderetsoda kadwa dagiti dua metlaeng a lallaki iti maysa nga inn.
Agsapa iti sumaruno nga aldaw, nakariing ti biktima iti panagtuktok ti gayyemna a nangipakaammo a napukawan daytoy iti lima ribo a piso.
Gapu iti dayta, kinita met ti biktima ti kagawaanna nu sadino, naduktalanna a napukaw metlaeng ti cellphone daytoy nga addaan iti kwarta a PhP13,999 ken PhP350 cash a naisilid iti casing ti nasao a cellphone.
Dagusda nga inreport ti nasao a banag iti manager iti nasao nga inn ken kiniddawda a makita ti CCTV footage.
Naduktalan a maysa kadagiti babbae a nakahang-out ti biktima ti nangala iti cellphone daytoy bayat a nakaturog.
Kasaruno dayta, dagus a naireport daytoy kadagiti kameng iti pulisya rason a napilaan ti kaso ti suspect.//Bombo Noveh Organo
