--Ads--
Inaprobaran ti Department of Finance a maidunar iti Philippine Coast Guard (PCG) ti agarup 1,200 a litro ti nakomiskar a gasolina.
Pinalubusan daytoy ni Department of Finance Secretary Ralph Recto kas suporta iti maritime safety ken security operations ti pagilian a Pilipinas.
Maipalagip a nakompiskar dagiti nasao a gasolina gapu iti panaglabsing dagiti agtagikua iti fuel marking regulations.
Kabayatanna, inyunay-unay ni Department of Finance Secretary Recto a saan laeng a mangipakita daytoy iti panagkumitda a mangpapigsa iti defense sector ti pagilian no diket agserbi a pakdaar kadagiti amin a negosiyo nga awan ti mailaksid iti iligal nga aktibidad.
