Mairekreklamo ti maysa nga online seller kalpasan nga inpost-na iti social media ti maysa a babae a maatap a saan a nagbayad iti inorderna a patatas.
Ti nasao nga online seller ket agtawen iti 35, residente iti Purok 17, Irisan, Baguio City bayat a ti complainant ket 36-anyos, ken residente sadiay San Vicente, Baguio City.
Maibasar iti report ti pulisya, nag-order ti complainant iti 80 a kilo ti patatas manipud iti online seller.
Dagus met daytoy a naideliver iti stall ti complainant babaen metlaeng iti online seller ngem daytoy ket in-receive ti stall attendant ti complainant.
Nupay kasta, kinontak ti complainant ti online seller babaen iti text ken messenger a ti patatas ket natakaw, rason tapnu nagkiddaw daytoy a nu mabalin ket maipaayan daytoy ti pawayway nga agbayad gapu ta agurnung pay daytoy iti pagbayadna.
Immannamong met ti online seller ngem manu a domingo ti naglabas, immawag daytoy iti complainant tapnu i-follow up ti bayadna ngem kabayatan ti awag, iniddep daytoy ti kalive-in partner ti complainant.
Gapu iti unget ti online seller, inblockna a dagus ti numero ti complainant ken gapu iti inaramid ti ka-live in ti complainant nagipost ti online seller iti social media a ti complainant ket maysa nga scammer iti maysa a buy and sell facebook page.
Nakita daytoy ti gayyem ti complainant rason tapnu icheck na met ti nasao a social media ken ditoyna a nakita a nakapost ti rupana ken ti pamilyana.
Gapu iti dayta, nabainan ken nakarikna iti emotional distress ti complainant kasta pay a karaman ti pamilyana a naapektaran rason tapno agreport daytoy iti maseknan a barangay tapnu masulbar.
Nupay kasta, maatap a saan a nagpakpakita ti online seller iti baet a kinontak daytoy dagiti Brgy. officials.//Bombo Noveh Organo
