Inlawlawag ti maysa nga opisial ti Baguio City Police Office-Police Station 1 a nasayaat ti panangpara ti nakaduty a pulis iti taxi driver nga immuna a naipadamag a naipaayan ti citation ticket.
Iti interview ti Bombo Radyo kenni Police Captain Elmer Revita, ti OIC/Asst. Station Commander ti BCPO-PS1, kinunana nga inaramid laeng ti nakaduty a pulis ti pagrebbenganna.
Para met iti nakaduty a pulis, kinunana a kinasaritana ti taxi driver iti nasayaat a wagas ken inlawlawagna ti nalabsingna a linteg trapiko.
Nupay kasta, posible a saan a nagustuan ti taxi driver ti inaramid ti pulis ken ti pannakaipaay kenkuana iti citation ticket.
Iti agdama, manarimaan paylaeng ti imbestigasion dagitoy iti pudno a napasamak.
Kabayatanna, kidkiddawen ni Police Captain Revita kadagiti amin a motorista nga agbalon ti atiddog a pasensya iti panagmaneho ti lugan.
CLICK THE LINK: https://www.facebook.com/BomboBaguioOfficial/videos/694961526775607
