Impatangken ni sigud a presidential spokesperson Atty. Harry Roque a biktima isuna ti “political pressure” agraman ti sumagmamano nga kaalyado ti sigud a presidente a ni Rodrigo Roa Duterte, isut gapuna nga adda karbenganna nga agkiddaw ti asylum, partikulr manipod iti gobierno ti Netherlands nga agdama a pagnanaedanna ken makilanglangen kadagiti OFW.
Kinunana nga awanen ti namnamaenna kenni President Ferdinand Marcos Jr. gapu iti rinuker a panangidaulona iti pagilian, isut gapuna nga umno laeng a maipaay kenni Vice Presidente Sara Duterte ti gobierno.
Sigun kenni Roque, agsubli daytoy iti umno a panawen gaputa kinunana a daytoy laeng ti kakaisuna a pagilianna.
Mapapati nga agtultuloy a maipoproseso ti kiddawna nga asylum.
Impaganetget ti nasao nga abogado nga adu a gundaway a mabalin isuna nga agsabali iti nationality ngem agaw-awid paylaeng daytoy iti Pilipinas.
Kabayatanna, kidkiddawenna kenni President Marcos Jr, ken kadagiti kaalyadona a dalusanda ti naganda ken baliwan ti pakaistoryaan ngem tallo a tawenen ti napalabas ket saan paylaeng daytoy a napasamak nu sadinno, ad-adda a nasayaat laengen nga ipaay ti gobierno iti bise presidente.
