Puntirya ni Atok Mayor Franklin Smith nga i-maximize ti tallo a tawen a panagtakemna kas local chief executive iti nasao a munsipyo.
Daduma kadagiti proyekto a panggepna a makompleto sakbay a madanon ti 2028 ti panakaaramid iti commercial stalls wenno souvenir shops manipod kadagiti makolkolektar nga environmental fee kadagiti pagpasyaran.
Kasta metten ti panakapapintas dagiti comfort room ken ti view deck iti nasao a munsipyo.
Malaksid iti dayta, tarigagay pay ni Mayor Smith a makompleto ti konstruksyon iti baro a parapubliko a merkado sadiay a sigun kenkuana ket maibilang a rupa iti Atok a pakaiparangan ken pakailakkoan dagiti nagduduma a produkto sadiay.
Malaksid iti sabsabong ken highland vegetables a kangrunan a produktoda, maitantandudo metten ti produksyon iti kape ken cacao.
Ni Franklin Smith ket nabutusan manen iti 2025 Midterm Elections kas mayor iti Atok, Benguet.// Bombo Rob Dominguez
