--Ads--
Dumanon itan iti walo a Filipino crew members iti MV Eternity C ti adda iti natalged a kasasaad kalpasan a naarayat manipod iti panakalned iti nasao a barko idiay Red Sea.
Daytoy ti kinumpirmar ni Department of Migrant Workers Secretary Hans Leo Cacdac.
Nupay kasta, saanen a dinakamat ti opisyal ti agdama a lokasyon dagiti tripulante para iti kinatalged dagitoy.
Maipalagip nga inatake dagiti grupo nga Houthi ti Liberian-flagged MV Eternity C ita a lawas idiay Red Sea nu sadino, naglaon daytoy iti 22 a crew members pakairamanan dagiti 21 a Pilipino.
Natamaan ti barko iti missiles ken rocket-propelled grenades rason a napukaw ti komunikasyon dagiti otoridad kadagiti crew.
Gapu iti nakaro a tama iti barko, limned daytoy.
