--Ads--
Isagsagana ni President Ferdinand Marcos Jr. ti linaon ti speechna para iti maikappat nga State of the Nation Address (Sona), sigun kenni Palace Press Officer Claire Castro.
Sigun kenni Castro, ad-adalen ti presidente no anya dagiti ipablaakna kabayatan ti Sona.
Impakaammo met ti Malacañang a posible a kantaen ni award-winning tenor Sofronio Vasquez ti National anthem ti pagilian iti nasao a Sona.
Naituding a maangay ti Sona ni President Marcos Jr. inton Hulio 28, 2025.
Kabayatanna, immuna metten a kinuna ni Vice President Sara Duterte a saan a dumar-ay iti daytoy.
Mainaig iti dayta, naituding a maiwaras ti agarup 2,000 a kameng ti pulisya kabayatan ti Sona.
