--Ads--
Umap-apela ita iti tulong kadagiti maseknan nga opisina dagiti naapektaran a residente iti Guiwe Street Poblacion Mankayan, Benguet kalpasan a nalayos iti pitak ti dua a babbalay gapu iti agtultuloy a panagbayakabak iti tudo.
Iti panakiuman ti Bombo Radyo iti maysa kadagiti naapektaran, imbinglayna a nagtaud ti pitak iti kalsada a mapatpatag iti ngato dagitoy.
Gapu iti napigsa a panagtudtudo, naiyanud dagiti pitak wenno daga kadagiti sumagmamano a balay nga adda iti agarop 200 aginga 300 metro iti baba daytoy.
Sigun iti maseknan nga indibidwal, adda met ti imburnal a mabalin a pagnaan ti danom ngem sigun kenkuana, napullatan daytoy.//Bombo Noveh Organo
